1. Pomorska anegdota

Ras Tannura

Barba Tone pred penziju va Londonu se ukrcal na brod dug sto sedandeset metri i dvajset i pet širok. Promenil je puno brodi, od parneh, motorneh, turbinaši, ali na ovako velen ni bil.
Kako se ovako velen brodon manovra, dal dobro timun sluša, kako makina reagira, je kad zatajila, se mu se to po pamete vrti. Brod je va charteru  krca generalni karag za više porti va Perzijsken zaljevu. Naravno si bi voleli da je karag za pitomeji porti, Perzjski zaljev malo ki voli. Barba se ne boji mora, ali porti su drugo, manovri na arivu, manovri na partence, shiftingi, to mu je najteže, ne ovisi o sebi, tu su ljudi, tehnika, ako  ča zataji, barba je kriv. Saki je porat drugačji, druge užanci, reguli, piloti sakakovi, od vrhunskeh znalci, pa do oneh ki se ne znaju po boškaine na brod poprtit. Bude i boseh i napol goleh, je i šminkeri, uniformaneh, važneh, barbu z visoka gledaju, iako mu je barba šef, ... (više uz pretplatu)