1. RAZNO

Propalitet

Brzo su se va dnevniku nabrali kolci toliki da je mogal trsi zasadit! Frane ni mogal sebi doć. Inače vesel i vridan, sad je stalno bil zamišljen, a više ni va poslu bil žvelt onako ko ča je obično bil

Frane je bil noštromo staroga kova. Počel je navigat ko mornar, pa je onda bil timuner, i onda su ga prepoznali ko vrednoga i pouzdanoga delavca pa je avancal za noštroma. I to ne na bilo kakovemu brodu nego na strancu, i to va vrime kad je malo naših ljudi navigalo na strancimi. Doduše ne zato ča ih stranci ne bi oteli nego zato ča je tad domaća flota bila velika. Bile su to ‘70. zlatne leta našega brodarstva.