Montgomeri
BN 160Trgovac Arabo bil je ljubazan ko da ih sto let pozna, povedal je pol talijanski pol ingleški, a ubacil je i ku hrvatsku besedu
Noštromo Nadalin, da je i mogal nikad ne bi menjal liniju za Levanat. Porti kod zmišljeni, klima odlična, nema čega nema, i ča je najvažneje, sako malo si doma. Dalo se i zaradit mimo plaći, ne puno ma ki je znal, znal je. A Nadalin je znal. Doma je vavek neč falelo, a posle rata ni va Evrope ni bilo bolje. Va Hamburgu se onput za sapun moglo dobit vrednu stvar. A va Bejrutu, Parizu Levanta, nema čega nema, se valuti primaju, menjaju, dinari, rublji, leji, zloti, liri, guldeni, kruni, drahmi, a dolari i štrline da ne spominjemo. Franiću i Marinu baš je Beirut bil prvi strani porat. Da su zbirali ne bi moglo bolje. Prvo ča su želeli storit bilo je kupit montgomeri, vojnički baloner kakovoga je nosil engleški general Montgomery. Stareji kolege, i ne samo oni, paradirali su va praven pravcaten montgomeriju kupljenon, a kade drugde nego va Bejrutu.
Čin su se vezali svi, a kadeti naročito, jedva su dočekali da zijdu z broda. Dobili su lašjapasare, čif ih je pustil, i veselo su sami prošli va grad kupit Montgomeri, a drugo kako bude. Ma brzo su se vratili, prazneh ruk, tužni i razočarini. Ni ta Bejrut ko ča se poveda... Nadalin ih je gledal onako tužne i jadne.- ... (više u tiskanom i CD izdanju)
